Odola emateko aukera izango dute antxotarrek datorren asteazkenean
Azken saioan 28 poltsa bildu zituztela-eta osasun krisiaren aurrean antxotarren erantzun «eredugarria» txalotu du odol emaileen elkarteak.
Odol erauzketa Pasai Antxoko Kultur Etxean. Pasai Antxoko Odol Emaileen elkarteak jakinarazi duenez, odol erauzketen hurrengo saioa datorren asteazkenean (hilak 19) izango da Kultur Etxean, 18:30ean abiatuta. Era berean, azken saioan 28 odol poltsa bildu zituztela ezagutarazi du elkarteak, eta hori dela eta herritarren jarrera txalotu du: «Antxotarren erantzuna eredugarria izaten jarraitzen du osasun egoera dela eta».
Hori horrela, hemezortzi urtez gorako pasaitar gazteak odola ematera animatu nahi izan dituzte elkartetik. Eta segurtasuna bermatze aldera eta jende pilaketak ekiditeko helburuarekin, hitzorduarekin joan beharko dela odola ematera zehaztu dute.
