Oarsoaldeko ontzi guztiak Kantabrian lehiatuko dira asteburuan
San Juan, San Pedro eta Hibaikako liga ezberdinetako eskifaiak Santanderreko uretan ariko dira bihar eta etzi, banderak lortzeko borrokan.
Haibaikako ontzia gogor arraunean artxiboko argazki batean. [Irudia: Hibaika] KAE1, KAE2 eta ETE ligetako ontziek Santanderren (Kantabria) hitzordua dute asteburuan. Oarsoaldeko traineru guztiak lehiatuko dira bertan, nor baino nor, sailkapen orokorreko goi postuak betetzeko prest.
Hori horrela, ETE ligako San Juango eta Hibaikako ontziak zazpigarren jardunaldian lehiatuko dira bihar, eta I. Rosmi Bandera lortzeko arraun egingo dute etzi. Arratsaldeko 17:00etan hasiera emango diete bi egunetan estropadei. Uneotan, sailkapen orokorraren bigarren postua betetzen du ontzi arrosak, Tolosaldea bote irabazletik hamalau puntura. Hibaika seigarrena da 33 punturekin.
KAE1 eta KAE2 ligetako ontziak L. Santander Hiria Bandera eta XV. Marina de Cudeyo Bandera irabazteko lehiatuko dira asteburuan. San Pedrok gainera, lehen postuan kokatzeko borroka egingo du bihar eta etzi, Pedreña bote irabazletik 0,83 puntura baitago. San Juan bere aldetik, bosgarrena da sailkapen orokorrean, eta bigarren multzoan arraun egiten duen Hibaika, zortzigarren.
Lehen multzoko estropada eguerdiko 12:00etan hasiko da bi egunetan, eta bigarren multzokoa, 18:00etan.
