Jardueraz eta ekitaldiz betetako asteburua Errenteria-Oreretan
Zinema, mendia eta dantza asteburu honetako hitzorduen artean egongo dira. Ekitaldi eta jarduera guztiak debalde dira, nahiz eta gonbidapena jasotzea ezinbestekoa den.
![Carmen Ceperok flamenkoa eta euskal kultura uztartuko ditu igandeko emanaldian [Irudia: Errenteriako Udala]](https://oarsoaldea.hitza.eus/site/files/2020/08/cepero.jpg)
Carmen Ceperok flamenkoa eta euskal kultura uztartuko ditu igandeko emanaldian [Irudia: Errenteriako Udala] Errenteriako Udalak udararako aurreikusitako kultur eta jardueren agendaren barruan hainbat hitzordu izango dira asteburu honetan. Zinema, mendia eta dantza daude aurreikusitako ekitaldi eta jardueren artean, eta denak debalde diren arren, gonbidapenak aldez aurretik jasotzea ezinbestekoa dela gogoratu dute.
Egitaraua:
- 70 Binladens: Koldo Serrak zuzendutako ikus-entzunezkoa etzi ostiralarekin proiektatuko dute, Pontikako pilotalekuan, 22:00etan. Gonbidapenak Niessen Kulturguneko harreran edo ondoko atari digitalean.
- Aizpitarteko kobazuloak: Bisita gidatua haitzuloetara, hilak 22 larunbatarekin, 09:00etan. Informazio gehiago eta gonbidapenak ondoko helbide elektronikoan.
- Rocketman: Elton John musikariaren istorioa azaltzen duen film luzea emango dute hilaren 22an, larunbatarekin, Koldo Mitxelena ikastetxeko patioan, 22:00etan. Gonbidapenak Niessen Kulturguneko harreran edo ondoko atari digitalean.
- Flamenkoa gure amalurrean: Carmen Cepero dantzariak flamenkoaren eta euskal kulturaren arteko emanaldia eskainiko du hilaren 23an, igandearekin, Koldo Mitxelena ikastetxeko patioan, 12:30ean. Gonbidapenak Niessen Kulturguneko harreran edo ondoko atari digitalean.
