Izan Bidea dinamikaren harira, Hernani eta Errenteria-Orereta lotuko dituzte
Euskal presoek pairatutako egoera salatzeko helburuarekin, gazte martxa egitera deitu dute Errenteria-Oreretako eta Hernaniko Sarek.
Eguneko egitarauaren kartela.
Izan Bidea dinamikarekin bat eginez, gazte martxa egitera deitu dute Errenteria-Oreretako eta Hernaniko Sareko taldeek hilaren 29an, larunbatarekin. Hernani eta Errenteria-Orereta lotzea da gazte martxaren helburua. Zutabe bana aipatutako bi herrietatik abiatuko da horretarako, eta erdibidean, Astigarragan zehazki, topo egitea aurreikusi dute.
«Preso eta iheslarien etxeratzearen, konponbidearen eta bakearen» aldeko kilometroak gehituko dituzte era horretan gazteek. Espainiako eta Frantziako espetxeetan sakabanatutako euskal presoak etxeratzearen alde kilometroak egitean datza Izan Bidea.
Ondokoa da hilaren 29ko egitaraua:
- 09:30. Errenteria-Oreretako zutabea Xenpelar plazatik abiatuko da.
- 10.00. Hernaniko zutabea Gudarien plazatik aterako da.
- 12:30. Astigarrako Foru enparantzan topo egingo dute bi zutabeek eta ekitaldia egingo dute bertan.
