AHTren Astigarraga-Oiartzun-Lezo zatia gelditzearen aldeko batzarra
Proiektuaren zati horren gaineko informazio guztia zabalduko dute bilera ireki horretan, eta horri aurre egiteko proposamenak bilduko dituzte.
Abiadura Handiko Trenaren Astigarraga, Oiartzun, Lezo zatia gelditzearen aldeko batzar irekia egingo dute hilaren 17an (osteguna) Gaztañoko auzo elkartean, 19:00etan. Antolatzaileek batzarrera deitu dituzte, AHTarekin kezkatuta dauden herritar guztiak: “Martuteneko ibarretik Oiartzungo bailarara eta Lezo-Gaintxurizketara eraiki asmo duten AHTren zati berri horren inguruan informazioa trukatzeko, eta horren aurrean oposizio soziala bultzatzearren ekintza proposamenak eztabaidatu eta abian jartzeko”.
Euskal Ykoaren zati horrek, Astigarraga, Donostia, Errenteria-Orereta, Oiartzun eta Lezoko udalerriei eragiten die zuzenean.
AHTren zati horri dagokion proiektua uda betean onartu eta hilabeteko epe laburrean informazio publikora atera zuela Espainiako Sustapen ministerioak salatu dute, “era horretan herritarrek informazioa eskuratzeko aukera erabat murriztu du, jendearen parte hartzea eta erantzuna ekidin asmoz”. Hala ere, hainbat bizilagunek eta elkartek aurkeztu dituzte alegazioak, “ingurumenari eragingo lizkiokeen kalteez gain, 476.000.000 euroko aurrekontua du; kilometro bakoitzeko 50 milioiko kostua luke Urumeatik Oiartzuna. Inongo justifikazio sozio ekonomikorik ez du”.
Proiektuaren zati horren gaineko informazio guztia zabalduko dute bilera ireki horretan, eta horri aurre egiteko proposamenak bilduko dituzte.
