Hatxek bigarren diskoa aurkeztuko du
Errenteria-Oreretan egingo duen emanaldia Eztena Jaialdiaren barruan programatu dute. Kontzertua hilaren 12an izango da 22:00etan eta horrekin emango diote jaialdiari amaiera.
Idoia Hernandez Hatxe pianista eta sortzaileak bere bigarren diskoa aurkeztuko du larunbatean Errenteria-Oreretan. Panpin hautsien dantza da bere lan berriaren goiburua. Otsailean aurkeztu zuen Azpeitian, eta hilabetera konfinamendua ezarrita, larunbatean ditu aurkezpen kontzertuak.
Lau kantuz osatutako EPa da Panpin hautsien dantza: Baso, D(r)ama, Ero eta Histeria. Feminitaeari lotutako hitzak historikoki duten edukia hustutzeko saiakera bat dela diskoa dio artistak, eta askatasunarekin lotura duten edozein keinu, hitz edota sentimenduekin betetzeko nahi batetik abiatzen da.
Ordubeteko iraupena du kontzertuak eta berezia da hasieratik amaierara arte lanketa bat dagoelako. Kantu guztiak berriak dira, eta beste hiru musikarirekin arituko da Jurdana Otxoa biolinista, Peru galbete ahotsa, Ilargi Agirre bateria jotzailea. Beste laguntzaileak ere izan ditu Hatxek bere abentura berrian, eta Elia Millanek testuekin lagundu badio, Marodi Jantziak arropekin egin du ekarpena, Mirian Ubanet argiekin eta Iraia Elias eszenarekin.
Histeria bideoklipa
Bideoa eta musika elkarrekin lantzeko eta sortzeko aukera izan du bestalde Hernandezek Maria Elorza zinemagile donostiarrarekin batera Azpeitiko Sorkuntza Beka jaso baitzuten. Hemen, sorkuntza prozesuaren erreportajea ikus daiteke.
Errenteria-Oreretan egingo duen emanaldia Eztena Jaialdiaren barruan programatu dute. Kontzertua hilaren 12an izango da 22:00etan eta horrekin emango diote jaialdiari amaiera. Gonbidapenak lortzeko argibideak Eztenaren web orrian kontsulta daitezke.
