Ogasunaren aurrean euskaraz, eta bapo jan
Errenta aitorpena euskaraz egin eta zozketan parte hartzeagatik saria jaso dute eskualdeko lau udalerrietako launa biztanlek. Pozik jaso dituzte sariak.
Pasaia. Loreto Osa eta Rebeca Castaño. 2019ko errenta aitorpena euskaraz egiteagatik, bapo jateko aukera izango dute Oarsoaldeko lau herrietako zortzi lagunek. Izan ere, ogasunaren aurrekoak euskaraz kudeatzea erabaki zutenen artean saria ematea erabaki zuten eskualdeko lau udalek, zozketa bidez. Bada zozketa horrek baditu irabazleak. Herri bakoitzeko onuradunak lagun batekin otordu ederra egiteko aukera izango du.
Errenteria-Oreretako irabazlea Eneritz Urzelaieta Martin izan da. Hark Xera Gastrotekan baliatu ahal izango du egokitutako saria. Saria Arantxa Etxezurietak eman zion, Errenteriako Udaleko Hizkuntza Berdintasunerako teknikariak.
Lezon, Izaro Susperregi Olaizola izan da aitorpena euskaraz egin eta zozketan parte hartu dutenen artetik irabazle. Oriotarra jetetxean otordua egiteko eskubidea irabazi du, beraz. Ion Pombar Euskara zinegotziaren eskutik jaso zuen saria.
Matteo jatetxera joango da zenbakiak eta gastronomia lotu dituen egitasmoko irabazle oiartzuarra, Maria Isabel Artola Irastorza hain zuzen ere.
Pasaiako onuraduna Rebeca Castaño Becerril izan da. Antxoko Dani tabernan zain dituzte hura eta hark aukeratzen duen beste pertsona bat ondo-ondo jateko. Loreto Osa Euskara zinegotziak pozik eman zion irabazlearen agiria.
Jarraian dauden argazkietan, Errenteriako, Lezoko eta Pasaiako irabazleak, sariak eman zizkietenekin.
-
- Errenteria-Orereta. Arantxa Etxezurieta eta Eneritz Urzelaieta.
-
- Lezo. Izaro Susperregi eta Ion Pombar.
-
- Pasaia. Loreto Osa eta Rebeca Castaño.
