Gaztañoko sorguneak martxan du ikasturte berria
Lau ikastaro antolatu ditu ikasturterako, eta COVID-19aren harira ezarritako itxialdiagatik bertan behera utzitako hitzaldiak berrartuko dituzte hilean behin.
Euskal dantza ikastaroa antolatu du Gaztañoko Sorguneak. Gaztañoko Sorguneak datorren astean jarriko ditu martxan antolatu dituen ikastaroak. COVID-19aren osasun larrialdiak bertan behera uztera derrigortu zituen, beste guztiak bezala, eta orain, osasun eta segurtasun neurriak errespetatuta, presta da martxan jartzeko. Momentuz, ikasturterako antolatu dituen lau ikastaroen berri eman du: Afrika mendebaldeko dantza, triki-panderoa, Komunikazio ez bortitza eta euskal dantza ikastaroak izango dituzte aukeran auzotarrek. Dantza afrikarrak, triki-panderoa, eta euskal dantza astean behin eskainiko ditu; komunikazio ez bortitzaren gaineko ikastaroa, berriz, hilena behin egingo dute, asteazkenarekin eta Nerea Mendizabalek psikopedagogoak gidatuko du.
Afrikako dantzen ikastaroa asteartero egingo dute, hilaren 15ean hasita. Egun horretan egingo dute ikastaroaren aurkezpena 17:15ean.
Triki-pandero ikastaroa, asteazkenero egingo dute, 17:00etatik 20:00etara; euskal dantzaren txanda helduko da ostegunero 18:45etik 19:45era.
Hitzaldiak berrartu
Aurreko ikasturterako antolatuta zituzten hitzaldiak bertan behera utzi behar izan zituen Gaztañoko Sorguneak koronabirusarengatik, eta horiek berrartuko dituztela jakinarazi dute arduradunek bestalde. Ez dute zehaztu momentuz, hitzaldirik, baina aurreratu dute ostiraletan izango direla hilean behin osasun egoerak haiek egitea eragozten ez badu eta beharrezko diren osasun eta segurtasun neurriak bermatuta.
Ikastaroak, hitzaldiak zein antolatuko dituzten bestelako ekintzak ere, Gaztañoko auzo elkartearen lokal berrian egingo dituzte.
