Pasaiako udal kirolguneen aurtengo eskaintza aurkeztu dute
Ate irekiak hilaren 28tik urriaren 1era arte izango dira, Trintxerpeko eta Donibaneko zentroetan. Ikastaroak urriaren 5ean hasiko dira.
Pasaiako udal kirolguneen (Trintxerpe eta Donibane) 2020-2021 ikasturteko eskaintza aurkeztu dute, jardueren informazioa eta prezioa ikusgai dago hemen klik eginez. Ate irekiak hilaren 28an hasi eta urriaren 1ean amaituko dira, tarte hori izango dute interesdunek kiroldegietara informazio eske hurbiltzeko, zein dohainik edozein jarduera probatzeko ere.
Ikastaroak urriaren 5ean hasiko dira eta bazkide direnek jardueretan parte hartzeko 35 euroko tarifa laua ordaindu beharko dute. Horrez gain, bizikleten alokairu zerbitzua ere eskainiko zaie horiei. Informazio osagarria:
- Trintxerpeko kirolgunea. Euskadi etorbidea z.g., 20110, Pasaia. Telefono zenbakia: 943 39 97 53 eta posta elektronikoa hemen klik eginez.
- Donibaneko kirolgunea. Donibane kalea 1, 20110, Pasaia. Telefono zenbakia: 943 34 53 71 eta posta elektronikoa hemen klik eginez.
