Bolivia eta Moriara diru laguntzak bideratu ditu udalak
Boliviako Amazonian lanean ari den Taupadak elkarteari eta Zaporeak elkarteari diru laguntzak eman dizkie Errenteriako Udalak. Hiruna mila euro eman dizkie bi elkarteei.
Bolivian erositako arnasgailu batekin. Boliviako Amazonian lanean ari den Taupadak elkarteari eta Zaporeak elkarteari diru laguntzak eman dizkie Errenteriako Udalak nazioarteko lankidetzaren arloan larrialdi humanitarioko egoerak laguntzeko duen aurrekontuaren barruan. Hiruna mila euro bideratu du bi elkarteentzat.
Boliviako San Ignacio de Moxos udalerriko osasun sistemaren prekarietateari eta ahultasunari aurre egiteko baliatuko dute laguntza, COVID-19aren pandemia dela eta, eta koronabirusa duten gaixoen tratamendurako ezinbesteko ekipamendu medikoa, , bio segurtasuneko materiala, proba azkarrak, hisopoak dituzten garraiobide biralak, beste hiri batzuetara bidaltzen diren testak, eta gaixotasun horri aurre egiteko erabiltzen diren medikamenduak. Udal gobernuarekin lankidetzan izango da hori.
Zaporeak elkarteari emandako laguntza, Moriako errefuxiatuen gunean gertatutako sutearen ondorioz etxerik gabe geratu direnei ohikoak ziren baino 2000 otordu gehiago eskaintzeko baliatuko dute. Egunean, 4.000 otordu prestatzeko izango da zehazki, elikagai eta garraio gastuak estaltzeko.
