Jon Mayak zuzenduko du Zinemaldiaren irekiera gala
Hainbat errenteriar ariko dira zinemaldian Mayaz gain: Luis Mari Moreno Pirata, Kukai Dantza. Donostiako zinemaldiaren zuzendaria ahaztu gabe, Jose Luis Rebordinos ere errenteriarra delako.
Jon Maya sein dantzaria. Argazkia: Donostiako Zinemaldia Jon Maya Sein dantzari eta koreografo errenteriarrak zuzenduko du zinemaldiaren irekiera gala bihar. Donostiako saria eta euskal zinemaren gala zuzentzeaz ere arduratuko da Maya. Biharko inaugurazio gala horretan, zinema aretoetara itzultzeko premia izango dute hizpide, pandemiaren ondorioz hainbat hilabetez itxita izan ondoren.
Donostiako Zinemaldiak badu Errenteriarekin lotura; ukaezina da, Jose Luis Rebordinos zuzendaria, errenteriarra delako. Aurten, baino, inoiz baino handiagoa izango da lotura hori, Galan parte hartuko duten bost musikarien gidari lanak egingo dituelako Luis Maria Moreno Urretabizkaia Pirata musikari errenteriarrak. Hori gutxi balitz, dantzak tartea izango du gala horretan; ezin zuen bestela izan, Kukai Dantzak hartuko du Zinemaldiaren agertokia.
Errenteria-Orereta kulturaren abangoardian den zalantzarik ez da.
