'Udako Baratze Ederrena' aukeratuko dute hil bukaeran
Kutxa Ekoguneak antolatutako lehiaketan parte har daiteke hilaren 25a arte. Hiru ederrenek jasoko dute saria.
Parte hartzea zabalik izango da hilaren 25a arte. Argazkia: Lezoko Udala. 
Lezoko Udalak gogorarazi nahi izan du oraindik zabalik dagoela Kutxa Ekoguneak antolatutako Udako Baratze Ederrena lehiaketa eta, hortaz, Lezoko udal baratzeak garaiz direla oraindik parte hartu ahal izateko. Zortzi finalisten lursailen argazkiak publiko egingo dira hilaren 30ean.
Argazkiak irailaren 25a baino lehen bidali beharko dira helbide elektronikora, eta hiru irabazle hautatuko dituzte, lehenak 80 euroko balioa duen tokiko produktuen saski bat jasoko du, bigarrenak 60 eurokoa, eta 40 euroko balioa duen saskia hirugarrenak. Era berean, lehiaketan bozketa bitartez parte hartzen dutenek 30 euroko balioa duten tokiko produktuen bi saskiren zozketan parte hartuko dute.
Honakoak dira parte hartu ahal izateko baldintzak:
- Argazkiak uda honetakoak izan behar dira, abuztuaren 1etik aurrera ateratakoak, beraz.
- Baratze Parke Sareko kide izatea.
- Hiru argazki bidaltzea:
- Lursaila agertzen den argazki nagusia.
- Lursailaren zenbakia agertzen den argazkia.
- Lursaila Baratze Parkean dagoela erakusten duen argazki panoramikoa.
Irizpide hauen arabera hautatuko dira baratze ederrenak:
- Lore eta barazkien aniztasuna eta osasuna.
- Lurraren kalitatea.
- Baratzaren konposizioa.
- Koloreen edertasuna.
