San Pedrori maldan gora jarri zaio igoera
San Pedrori asko zaildu zaio igoera, play-offeko estropada izugarri ona egin arren. Bosgarren izan da, baina irabazletik bost segundora.
Lehenengotik bost segundora gelditu da, baina bostetik, bosgarrena izan da. Sekulako estropada egin ondoren, Eusko Label Ligako play-offeko gaurko lehen jardunaldian bosgarrena izan da San Pedro, hurrenkera honetan Tiranen, Zarautzen, Samertolameuren eta Pedreñaren atzetik. Bosgarrena izan da, bai, baina gaurkoa ikusita, biharko argi izpiren bat izan liteke. Izan ere, jokoan daudenak bi plaza baitira.
Erlojupeko ia oso-osoan azkena joan da Libia ontzia. Baina denbora galerari eusten joan dira moreak, eta bukaeran, kontra zituen tarteak laburtu ahal izan ditu, oso indartsu egin dute azken luzea. Horrek ahalbideratu du, bosgarren izan arren, gaurko irabazletik bost segundo eskasera sailkatzea.
Pozik egin behar dute sanpedrotarrek gaur egindakoarekin. Biharkoan Eusko Labelera igotzea mirari txikia litzateke. Zail du San Pedrok. Baina arraunaren historia ezustekoz betea dago. Zergatik ez bihar beste bat?
Gaurko sailkapena:
- 1. Samertolameu 21.18.48 eta 5 puntu
- 2. Zarautz 21.19.46 eta 4 puntu
- 3. Samertolameu 21.20.24 eta 3 puntu
- 4. Pedreña 21.21.66 eta 2 puntu
- 5 San Pedro 21.23.42 eta puntu bat
