Zailago du igoera Hibaikak
Zailago du igoera Hibaikak, gaurko play-offeko lehen jardunaldian hirugarren izan delako. Bihar da kanporaketaren bigarren jardunaldia.
Hibaika hirugarren izan da gaur, Bermenon, 2021ean Euskotren Ligan izateko play-offean. Hondarribia eta Tolosaldea izan ditu aurretik, eta Cabo atzetik.
Madalen ontzikoek den-dena eman dute uretan, baina ezinezko izan zaie lehen bi postuetatik hurbil izatea. Ziabogatik garbi ikusi da hori.
Dena dela, borrokarik ez da falta izan. Gaurkoan hirugarren bukatu arren, biharko bigarren jardunaldian zer esana emango dutela ziurtzat eman daiteke.
Gaurko denborak:
- 1. Hondarribia 11.36.35 eta 4 puntu
- 2. Tolosaldea 11.37.82 eta 3 puntu
- 3. Hibaika 11.53.24 eta 2 puntu
- 4. Cabo 11.56.24 eta puntu bat
