Antxo AFren bigarren taldeak bihar hasiko ditu entrenamenduak
Antxo Areto Futboleko B taldeak bihar emango dio hasiera denboraldiari, lehen entrenamendu ofizialarekin. Ligako lehen partida urriaren bukaera aldera jokatuko dute.
Gogorik ez zaie faltako hurrengo denboraldian Gipuzkoako bigarren mailan egoteko. 
Antxo Areto Futbolak B taldea izango du, lehen aldiz, aurtengo denboraldian. Oraindik ez diete iragarri, zehatz mehatz, ligako kalendario ofiziala zein izango den, baina jakin badakite urriaren amaiera aldera jokatu ahal izango dutela lehen partida. Bihar izango du bigarren taldeak lehen entrenamendu ofiziala, eta ildo horretan jarraituko dute urte osoan: bi entrenamendu astean (astearte eta ostegunetan) eta partida bat asteburuan. Lehiak, orokorrean, ostiraletan jokatuko dituzte, arratsalde-gau partean.
Aurten Gipuzkoako Ligako hirugarren mailan arituko dira 15 gazteak, baina gogorik ez zaie faltako mailaz igo eta hurrengo denboraldian Gipuzkoako bigarrenean lehiatzeko, eta ez antxotarren babes eta animorik ere!
