Bukatzear da OTXEn izena emateko aukera
Bukatzear da OTXEn izena emateko aukera. 2007 eta 2010 urteen artean jaiotakoentzat dago prestatua Oarsoaldeko Txirrindularitza Eskolaren eskaintza.
Oarsoaldeko Txirrindularitza Eskolak (OTXE) bukatzera du 2020-2021 ikasturterako izen emate epea, azken orduetan da. Gaur da azken eguna. Gazte eta gaztetxoentzako dago bideratua OTXEren eskaintza, beraz, haiek dute izena ematerakoan lehentasun oso-osoa. Hala, 2007 eta 2010 urteen artean (biak barne) jaiotakoei dago prestatua eskaintza. Zer behar da izena emateko: batetik, izen-emate orria bete. Hori eginda, bizikleta eta kaskoa besterik ez dira behar. Gainerako materiala OTXEk utziko die partaideei.
Izena ematen dutenek, bizikletaren hainbat modalitate ezagutzeko aukera izango du: BMX, triala, errepideko txirrindularitza edo mendikoa (BTT). Teknika eta mekanika ezagutzak ere jasoko dituzte ikasleek.
Eskolak urriaren 5ean hasiko dira. Lehen zatian, BTT modalitateari eutsiko diote. Hilabetero modalitatez aldatzen joango dira, ikasturtea ekainaren 15ean bukatu arte.
Asteko dinamika honakoa da: bi saio egingo dituzte, astelehen eta asteazkenetan, 17:30etik 19:30era.
Izena emateko, egin klik esteka honetan.
