Jose Antonio Cardosa hil zutela 31 urte bete dira gaur
22 urte zituen Jose Antonio Cardosa Gonzalezek, eta gaurko egunez duela 31 urte hil zuten.
Jose Antonio Cardosa Gonzalez Postaria zen. Behin behineko kontratuarekin ari zen lanean, eta hiru hilabeteko epealdia amaituta, beste hilabetez luzatu zioten kontratua. 22 urte zituen Jose Antonio Cardosa Gonzalezek, eta gaurko egunez duela 31 urte hil zuten. Juan Olazabal kaleko buzoi batean posta pakete bat sartzen saiatzen ari zela, eztanda egin zuen paketeak eta gazte errenteriarra hil. Leherketak zuloa zabaldu zuen Ildefonso Salazar Uriarte Herri Batasunako militantearen buzoiaren gainean. Hari zuzendutakoa zen bonba paketea.
Inork ez zuen bere gain hartu atentatua. Ezker abertzaleak estatu aparatuei egotzi zien atentatu hori. 1996an Luis Roldanek Baltasar Garzon epailearen aurrean deklaratu zuen HBko militanteei bonba paketeak bidali zizkiela Omega taldeak —Pedro Gomez Nietoren agindupean ari zen Guardia Zibilaren taldea— Jose Luis Corcuera, Rafael Vera, Enrique Rodriguez Galindo eta Jose Ramon Goñik aginduta.
