'Josiz jabetu' tailerrerako matrikula zabalik da
Arropari bestelako erabilera ematea, oinarrizko joskintza jakintza jasotzea du helburu tailerrak, baina baita emakumeen arteko elkarren ezagutza sustatzea eta haien arteko sareak sortzea.
Iaz emakumeen Etxeak hartu zuen tailerra. Orduko argazkia. Josiz jabetu sormenezko joskintza eta ahalduntze tailerrean izena emateko epea zabalik dago. Urriaren 2tik abenduaren 16ra egingo dute Gaztañoko auzo elkartearen egoitzan, udalaren laguntzarekin eta Berrehuntzen iniziatibaren barruan.
Emakumeei begirako sormen joskintza saioak dira, eta ostiralero egingo dituzte 09:30etik 12:30era. Tytti Thusberg diseinatzaileak gidatuko du saioa, eta Aran Erasunek eta Aran Garmendiak berriz, ahalduntze saioak dinamizatuko dituzte.
Arropari bestelako erabilera ematea, oinarrizko joskintza jakintza jasotzea du helburu tailerrak, baina baita emakumeen arteko elkarren ezagutza sustatzea eta haien arteko sareak sortzea. Saioan parte hartzeko ez da beharrezkoa joskintzako oinarrizko ezagutzarik izatea, eta izena eman nahi dutenek, 653 702 796 telefono zenbakira deitu behar dute.
Ikastaroan COVID-19aren harira martxan diren osasun neurriak beteko dira.
