Oarsoaldean COVID-19 kasuak behera: atzo, sei
Errenteria-Oreretan hiru eta Pasaian, Oiartzunen eta Lezon bana atzeman zituzten. 100.000 biztanleko azken egunetako tasan, Lezoren datu txarrak.
COVID-19ari lotutako positiboak beheranzko joeran Oarsoaldean: atzo, sei positibo gehiago. Aspaldi ez zela hain zifra txikirik jasotzen eskualdean. Zehazki: atzo Errenteria-Oreretan hiru positibo atzeman zituzten, eta bana Pasaia, Lezo eta Oiartzunen.
Komeni da begiratzea, ordea, azken zazpi egunetako kutsatze tasa. Ondoko datuen esanahia honakoa da: Oarsoaldeko herrietan, azken zazpi egunetan 100.000 biztanleko izan diren kutsatuen tasa. Noski, Oarsoaldean ez da 100.000 biztanle dituen herririk; herri guztien datuen konparazioa egiteko erabiltzen den aldagaia da biztanle kopuru horrena.
- Lezo: 294,99 kutsatu 100.000 biztanleko azken zazpi egunetan.
- Pasaia: 149,60.
- Errenteria-Orereta: 132,03.
- Oiartzun: 28,98.
- Gipuzkoako batezbestekoa: 158,53.
Eusko Jaurlaritzako Osasun Sailak gaur zabaldu du atzoko eta aurreko egunetako datuak biltzen duen txostena. Ondoko estekatik jaitsi daiteke osotasunean.
