Estilo mestizajearekin amaitu da inoizko Atlantikaldirik bereziena
Ez da erronka erraza izan Atlantikaldiaren aurtengo ekitaldia. Osasun larrialdiak ezarritako agertoki arrotzari, eguraldia ere batu zaio, baina pandemiak pandemia, eta eguraldiagatik sortutako alertak gaindituta, arrakastatsua izan da inoizko Atlantikaldirik bereziena.
Gabacho Maroc taldearen emanaldia atzora pasa zuten. Argazkia: Herri Bizia Ez da erronka erraza izan Atlantikaldiaren aurtengo ekitaldia. Osasun larrialdiak ezarritako agertoki arrotzari, eguraldia ere batu zaio, baina pandemiak pandemia, eta eguraldiagatik sortutako alertak gaindituta, arrakastatsua izan da inoizko Atlantikaldirik bereziena.
Ostiraleko emanaldiak bertan behera uztea erabaki zuen udalak, eta larunbat gauekoak ere atzora pasa zituen eguraldiarengatik ikusleen segurtasuna lehenetsiz. Gabacho Maroc eta ainara Ortegarekin esan du agur Atlantikaldiak, beti bezala arrastoa utzita ikusleen artean eta kultura zentzurik zabalenean lau haizetara zabalduta. Atzoko emanaldia mestizaje betea izan zen, Atlantikaldiaren ezaugarrietako bat da hori, kultura anitza eta musika aniztasunari ateak zabaldu eta agertokia eskaintzea; hemengoak eta hangoak harremanetan jartzea emaitza bakarrak lortzeko. Trabak traba, Atlantikaldiarik bereziena izan dena ere, arrakastatsua izan da.
Musika emanaldien txanda amaitu bada ere, urte amaierara arte herriko eragileekin antolatutako egitarauaz, eta sorkuntza prozesuek emandako uztaz gozatzeko aukera izango da orain, udalak bere kultur programazioan txertatu baititu horiek guztiak.
Atzoko emanaldiaren argazki galeria zabaldu du Herri Biziak; hemen ikus daiteke.
