48 urteko gizon bat atxilotu dute Antxon hainbat kontainer erretzeagatik
Atzo arratsaldean paperezko bi edukiontziri su eman izana leporatuta atxilotu dute antxotarra. Sutan zeuden hainbat kartoi sartu zituen kontainerretan. Ertzaintzak hirugarren bat erretzea galarazi zuen.
Suhiltzaileak, Eskalantegi kaleko kontainerraren sua itzaltzen. 
Hamarretxeta kaleko kontainerra, kea dariola.
Ertzaintzak 48 urteko gizon bat atxilotu du Pasai Antxon, antza denez, bi paperezko kontainerri su eman izanagatik. Ekintzak atzo (osteguna) gauzatu zituen, oraindik ezezagunak diren arrazoiengatik. Antza denez, gizonak sutan zeuden kartoiak sartu zituen Eskalantegi kaleko kontainerrean, honek su har zezan; ontziaren garrak itzaltzera hurbildu ziren suhiltzaileek aurretik beste bi itzali zituzten Hamarretxeta kalean, arrazoi berdinagatik.
Ertzaintzak adierazi duenez, akusatua atxilotu ahal izan zuten beste edukiontzi bati su ematea lortu aurretik. Gizona Donostiako Auzitegiaren esku utzi dute gaur goizean.
