Moriako errefuxiatuekiko elkartasuna lau haizetara zabalduko dute
Lau Haizetara Euskaltzaleon Elkarteak elkartasun hori puntuala baino, egonkorra egin nahi du, eta horrela, hilean behin, lehenengo asteartearekin janari bilketa egingo du Zaporeak elkartearekin koordinatuta Moriako kanpalekura bidaltzeko.
Lau Haizetara elkarteko Zaintza lantaldea-. Argazkia; Lau Haizetara. Larria da, muturrekoa, Lesboseko Moria Kanpamenduan aurkitzen diren errefuxiatuen egoera. Behar ugari dituzte, tartean elikagaiak, eta azken egunetan hainbat kanpaina jarri dituzte martxan horien bilketa egin eta bertara bideratzeko. Lau Haizetara Euskaltzaleon Elkarteak elkartasun hori puntuala baino, egonkorra egin nahi du, eta horrela, hilean behin, lehenengo asteartearekin janari bilketa egingo du Zaporeak elkartearekin koordinatuta Moriako kanpalekura bidaltzeko.
Iniziatibaren atzean, Lau Haizetara elkartearen Zaintza taldea dago. Beraiek daude hilabete egiten den odol emate kanpainaren atzean, eta aurrerantzean, hileko lehen asteartero egingo dituzte bi iniziatiba horiek, odol ematea eta janari bilketa, 17:30etik 20:30era udalarekin elkarlanean. Merkatuzarren egingo dituzte biak.
Batik bat, honakoak behar dituzte Moriako kanpalekuan diren errefuxiatuei jaten emateko: arroza, garbantzuak, dilistak, babarrunak, makarroiak, atun eta sardina latak, oliba olioa, esne hautsa eta barrita energetikoak.
Lau Hazietarak herritar guztiak deitu ditu elkartasun bi iniziatibatan parte hartzera eta odola eta janaria eramatera.
