'Beltza' pentsalariaren borroka eta ideiei buruz idatzitako liburua aurkeztuko du Sudupek
Emilio Lopez Adanek euskal borroka, nazionalismo eta klase sozialei buruz idatzitako obrak landu ditu Pako Sudupek liburu batean. Aurkezpena hilaren 20an izango da, 18:00etan, San Pedroko liburutegian.
Liburuaren aurkezpena Pasai San Pedroko liburutegian izango da, hilaren 20an, 18:00etan. 
Pako Sudupe (Azkoitia, 1959) euskal idazleak Emilio Lopez Adan (‘Beltza’) pentsalariaren borroka eta ideiei buruzko liburua burutu du: ‘Emilio Lopez Adan: Euskal iraultza libertarioaren pentsalari’. Idazlanean, Lopez Adanek euskal borrokari buruz, euskal nazionalismoaren gainean eta klase sozialen inguruan argitaratutako artikulu zein liburuak landu ditu Sudupek, hiru zatitan banatutako liburuan:
1. Biolentzia politikoaren memoriak.
2. Iraultzaren eta bortxaren arteko harremana.
3. Iraultza sozialerako ideiak eta erreferenteak.
Liburuaren aurkezpena Pasai San Pedroko liburutegian izango da, hilaren 20an, 18:00etan. Koronabirusaren ondorioz, gehienezko edukiera bete arte bertaratu ahal izango dira interesdunak.
