Eduki kritikoa lantzen jarraituko du Zintzilik Irrati libreak
Denboraldi berriko programazioa prestatzen ari da Zintzilik Irrati librea. Udazken honetan 36 urte beteko ditu emititzen hasi zenetik, eta leial mantendu ditu bere oinarriak.
Denboraldi berriko programazioa prestatzen ari da Zintzilik Irrati librea. Udazken honetan 36 urte beteko ditu emititzen hasi zenetik, eta leial mantendu ditu bere oinarriak: autogestioa, asanblada bidezko funtzionamendua eta eduki kritikoa. Oinarri horiekin bat egin eta irratian parte hartzeko gogoa duten pertsona eta kolektiboei deia luzatu die Zintzilik Irratiak, eta horretarako hainbat modu daudela ekarri du gogora: “Irratsaio bat eginez parte hartu dezakete, momentu zehatz bateko irrati lanak egiten, edota irratiari laguntzeko lan ezberdinak eginez.
Denboraldiaren programazioa prestatzeko batzarra egingo du hilaren 17an, larunbata, 11:00etan irratiaren egoitzan (Perratokian, Tomas Lopez kalea), eta bertara deitu ditu herritar zein kolektiboak, proposamenak, kezkak eta zalantzak mahai gainean jar ditzaten.
Egun, etxeetatik egiten diren podcast saioak irratiarekin egitera gonbidatu herritarrak, “modu komunitarioan, elkarrengandik ikasiz”.
Interesa izan, baina batzarraren egunean bertaratzerik ez dutenei, beste bide batzuk eskaini dizkie Zintzilik Irratiak ekarpenak egiteko: Posta elektronikoz mezua bidal dezakete, edota sare sozialen bidez harremanetan jarri.
