COVID-19a: okerrera egin du Lezoko egoerak
COVID-19agatik zortzi kutsatu gehiago atzeman zituzten atzo Lezon, eta horrek eragin du 100.000 biztanleko tasa 700dik gorakoa izatea.
![](https://oarsoaldea.hitza.eus/site/files/2020/05/koronabirusa.jpg)
Atzo koronabirusagatik zortzi positibo gehiago atzeman zituzten Lezon. Oarsoaldeko herri txikiena izanik biztanleetan, azken egunetako 100.000 biztanleko tasa nabarmen handitzera eraman du datu horrek: 704,69ra igo da kutsatze indizea herrian (astelehenean 606,36koa zen datua). Errenteria-Oreretan ere nabarmen gora egin zuten atzokoan kutsatuek, 23 gehiagorekin. Pasaian zazpikoa izan da hezkundea. Oiartzun salbuespena atzokoan: zero kasu.
Lezo eta Pasaia eremu gorrian daude tasa 500dik gorakoa delako, eta Errenteria-Orereta horretara hurbiltzen ari da.
Beheko koadroan, Oarsoaldeko lau herrietako kutsatze tasak atzo (azken 14 egunetako 100.000 biztanleko tasa da).
- Lezo: 704,69 (astelehenean, 606,36).
- Pasaia: 580,46 (astelehenean, 550,54).
- Errenteria-Orereta: 411,05 (astelehenean, 396,1).
- Oiartzun: 357,45 (astelehenean, 376,78).
- Gipuzkoako batez bestekoa: 533,61 (astelehenean, 506,14). Eremu gorrian jarraitzen du herrialdeak
Osasun Sailak gaur eman ditu datu horiek, txosten bidez. Beheko estekan klik egin eta osotasunean jasotzeko aukera dago.