COVID-19: Kutsatu gutxiago, baina tasak goranzko joera mantendu du
Atzoko datuen arabera, lau herrietan izan dira positiboak Errenteria-Oreretan hamasei, Pasaian sei, eta Lezo eta Oiartzunen hiruna.
21 egun bete ditu Oarsoaldeak kasu positibo berririk gabe. Kutsatu gutxiago izan dira, oro har, Oarsoaldean azken orduetan. Hala ere, 100.000 biztanleko tasak goranzko joera mantendu du udalerri guztietan, Pasaian izan ezik; zertxobait apaldu da bertan. Atzoko datuen arabera, lau herrietan izan dira positiboak Errenteria-Oreretan hamasei, Pasaian sei, eta Lezo eta Oiartzunen hiruna. Oarsoaldean denera, beraz, beste 28 COVID-19 positibo hauteman dituzte azken orduetan. Lezo eta Pasaiak gorriz markatuta jarraitzen dute; eta lehenaren kasuan, kutsatuen kopurua apaldu bada ere, gora egin du 100.000 biztanleko tasak, 737,46koa da gaur.
Pasaian zertxobait jaitsi da tasa hori, baina gorriz markatuta jarraitzen du udalerriak 500eko langa gaindituta. Gaur bilduko da LABI Euskadiko Babes Zibileko Planaren aholku batzordea eremu gorrian dauden Gipuzkoako udalerrietan zein neurri ezarri aztertzeko. Oarsoaldean, Pasaia eta Lezo daude eremu gorri horretan; 18:00etan agerraldia egingo du Eusko Jaurlaritzak erabakien berri emateko.
Beheko koadroan, Oarsoaldeko lau herrietako kutsatze tasak atzo (azken 14 egunetako 100.000 biztanleko tasa da).
- Lezo: 737,46 (asteartean, 704,69)
- Pasaia: 556,52 (asteartean, 580,46)
- Errenteria-Orereta: 430,98 (asteartean, 411,05)
- Oiartzun: 376,78 (asteartean, 357,45)
- Gipuzkoako batez bestekoa: 576,97 (asteartean, 533,61)
Gipuzkoako 5.000 biztanletik gorako hogei herri daude gorriz markatuta.
Osasun Sailaren azken txostena hemen kontsultatu daiteke.
