Hegaztiak behatzen ikasteko tailerra Arramendi parkean
Bi saio egingo dituzte, 10:00etan lehena gaztelaniaz, eta 11:30ean bigarrena, euskaraz. Jarduera doakoa izango da, baina aldez aurretik izena eman behar da.
Txantxangorria. Argazkia: Wikipedia Errenteria-Oreretako hegazti-fauna ikertzen ari da Aranzadi Zientzia elkarteko Ornitologia saila Errenteriako Udalarekin elkarlanean. Ikerketa horren helburuetako bat, herritarrak fauna horren ezagutza eta kontserbazioan inplikatzea da.
Horren barruan, hegaztiak behatzen ikasteko hastapen tailerra antolatu dute Arramendi parkean hilaren 31n (larunbata). Jardunaldiaren bidez, bertako biodibertsitatea eta espezieak hobeto ezagutzeko aukera izango dute bertaratzen direnek; hegaztiekiko interesa duten pertsonei zuzenduta dago. Gainera, Ornitho Euskadi herritar zientziarako atariaren funtzionamenduari, erabilerari eta aplikazioen gainean ere hitz egingo dute.
Jarduera doakoa izango da, baina aldez aurretik izena eman behar da online edo 943 466 142 telefono zenbakira deituta. Bi saio egingo dituzte, 10:00etan lehena gaztelaniaz, eta 11:30ean bigarrena, euskaraz.
Hitzordua Gaztelutxoko biribilgunean egin dute.
