Naufrago bat Argan
'Zumiriki', Ozzinema zineklubaren hilabeteko azken proposamena.
Hileko azken proposamenarekin heldu da Ozzinema Zinekluba. Orain arteko guztiak bezala berezia eta ausarta zineklubaren aukeraketa: Zumiriki. Oskar Alegria zuzendariaren lana da, eta lau hilabeteko abentura kontatzen du bertan. 2018ko udazkena eta uda artean, Arga ibaiaren ertzean, Gorriza-Iriberri ondoan, lau hilabete eman zituen Alegriak dirurik gabe, hitz egin gabe, nortasun agiririk gabe, argirik gabe, giltzarik gabe. Natura grabatzeko lau kamera eraman zituen. 70 liburu eta hamaka bat, latetako janariarekin batera, eta garrantzitsuena, aulki bat, naufrago baten funtsezko jarduera garatzeko elementu nagusia. Itxaronaldiaren gaineko filma da.
Zuzendaria bera izango da saioko protagonista nagusia, aurkezpenean eta ondorengo solasaldian.
Zumiriki datorren asteartean emango dute Niessen zinemetan, 19:30ean. Sarrerak salgai daude 4 euroan.
