"Feminista, askea eta aniztasuna besarkatzen duen herria amesten dut"
Errenteriaren 700 urteurrenaren harira, Errenteriako Udalarekin elkarlanean elkarrizketa sorta egiten ari da HITZA. Honakoa, LGTBI+ Mahaiko Andoni Etxeberria, Naroa Zabala eta Mikel Martini egindako elkarrizketa da, galderaz galdera hamar egunez HITZA-k zabalduko duena, osorik. LGTBI+ kolektiboaren errealitateaz, LGTBIfobiaz, sustatu beharreko politikez, eta parekidetasunaz mintzo dira, besteak beste.
LGTBIfobia pairatzen dutenei artatzeko zerbitzua martxan jarri du udalak. Errenteriaren 700 urteurrenaren harira, Errenteriako Udalarekin elkarlanean elkarrizketa sorta egiten ari da HITZA. Honakoa, LGTBI+ Mahaiko Andoni Etxeberria, Naroa Zabala eta Mikel Martini egindako elkarrizketa da, galderaz galdera hamar egunez HITZA-k zabalduko duena, osorik. LGTBI+ kolektiboaren errealitateaz, LGTBIfobiaz, sustatu beharreko politikez, eta parekidetasunaz mintzo dira, besteak beste.
Nolako Errenteria amesten duzue?
Naroa Zabala: Giza eskubideak denaren gainetik jarriko dituen Errenteria amesten dut, feminista, askea eta aniztasuna besarkatzen duena.
Andoni Etxeberria: Egunerokotasunean bizitzea estereotipo batzuk uxatu diren gizartean dut ametsa, guk kolektibo gisa ez dugu onarpena nahi baizik eta berdintasuna. Armairuak ez daude, ez dira inoiz egon eta ez dira egongo. Derrigortu egin gaituzte honengatik borrokatzera gizarteak bizkarra eman digulako, baina guk ez dugu aukeratu, gu horrela jaio gara, horrela sentitzen dugu eta horrela bizi gara, baina ez da aukeraketa bat… aukera bat da honengatik borrokatzea, defendatzea. Armairurik ez dago, jendeak jarri ditu akaso baina ez guk, horiek desagertuko diren herria amesten dut. Badirudi bizitzeko baimena eskatu behar dugula.
Mikel Martin: Egiten ari garena egiten jarraitzea espero dut nik, gero eta jende gehiago konkistatzeko gogoa duena gurekin aritzeko, gero eta jende gehiagok kritika dezan eta ekarpena egin dezan, kritikak LGTBI kolektiboaren bizitza herrian hobetzeko. Espero dut 2021ean topaketa indartsua egiteko aukera izatea kalean, lasai, maskararik gabe; izatea haur eta gazteei informazioa transmititzen dien irakaslegoa, ez politikoki zuzena delako; espoazio komunak sortzea LGTBI+ Mahaiaren eta eskola kontseiluaren artean; espero dut 2021an erasoez ez hitz egin behar izatea, bat egiteaz baizik.
