Hilerrian pilaketak saihesteko eskatu du udalak
Osasun neurriei dagokienean, azaroaren 1ean egin beharrean, aurretik edo ondoren egiteko bisitak hilerrira eskatu die herritarrei udalak.
Igandean izango da Domu Santu eguna. Osasun egoera dela eta, hilerrian pilaketak izatea saihestu nahi du udalak Domu Santu egunean, eta horren harira, bisitak beste egun batzuetan egitea eskatu die herritarrei. Urtero bezala, hainbat neurri hartu ditu trafikoa eta aparkalekuei begira.
Osasun neurriei dagokienean, azaroaren 1ean egin beharrean, aurretik edo ondoren egiteko bisitak hilerrira eskatu die herritarrei udalak; gehienez sei pertsonako taldeak onartuko dira, eta hilaren 31n zein azaroaren 1ean edukiera kontrolak egingo ditu udalak. Hilerrian ahalik eta denbora gutxien egiteko ere aholkatu die udalak, gehienez ere, ordubeteko bisita onartuko da, eta hilerrirako eta tanatoriorako sarrera irteerak ezberdinak izango dira. Zentolen berri zein Zentolen zaharrean, ibilbide bat jarriko dute, halaber, eta hori jarraitu beharko dute bertaratzen diren bisitariek. Ordutegia berriz, honakoa: 10:00etatik 14:00etara eta 16:00etatik 19:00etara. Hidrogela izango da bisitarien eskura, eta maskara erabiltzea derrigorrezkoa izango da.
Aparkalekuak
Hilaren 31 arratsaldetik azaroaren 1eko arratsaldera arte hilerriaren ondoko Egiburuberri industrialderako sarrerako erraietako bat erabili ahal izango dute aparkatzeko hilerrira hurbiltzen direnek. baina autobus zerbitzua erabili nahi dutenek ere izango dute eskura. Xenpelarretik abiatuko da ordu erdiro 09:45etik 13:15era eta 15:45etik 1745era arte. Hilerritik, berriz, ordu erdiro abiatuko da autobus zerbitzua ere 09:55ean hasi eta 13:25era arte, eta 15:55etik 17:55era arte.
