Errenteriako kirol instalazioetan, Gau Beltza
Galtzarabordako eta Fanderiako instalazioetan haurrentzako mozorro lehiaketa egingo dute. Galtzarabordakoan, berriz, zumba saio beldurgarria.
Errenteriako kirolguneetan Gau Beltza izango da. Fanderiako eta Galtzarabordako udal kirol instalazioetan Domu Santu Egunaren bezperako iniziatibarekin bat egin dute, hainbat jarduerarekin.
Hilaren 31ko 17:00etatik 19:00etara, Galtzarabordako eta Fanderiako instalazioetara mozorrotuta doazen haurrei argazkiak egingo dizkiete. Gainera, haurrei gozokiak emango dizkiete. Eta, argazkiekin zer? Bada lehiaketa bat antolatu dute: hilaren 31ko arratsaldean ateratako argazki guztiak Facebook-en argitaratuko dituzte, eta azaroaren 2tik 8ra arte egongo dira ikusteko. ‘Atsegin dut’ gehien jasotzen dituzten argazkiek saria jasoko dute.
Galtzarabordako kiroldegian, berriz, Eskola beldurgarria egingo dute. Kirol Ekintzak egitasmoaren barruko zumba saioa egingo dute 10:15ean, baina era telematikoan (25 pertsonarentzako tokia dago). Gau Beltzan inspiratutako saioa izango da, beraz, bertan parte hartuko dutenek mozorro beldurgarriren bat eraman beharko dute jantzita.
Argibide gehiagorako, telefono zenbaki hauetara deitu:
- Galtzarabordako udal kiroldegia: 943 449 690.
- Fanderiako kirol instalazioak: 943 344 423.
