[Eguneraketa] Maria Lezo kaleko etxebizitza bateko sukaldean sutea izan da
Maria Lezo kaleko 1 zenbakiko hirugarren pisuan izan da, eta pertsona bat artatu behar izan dute kea arnastu duelako.
Suhiltzaileak Maria Lezo kalean. Argazkia: Mendeku Maria Lezo kaleko atari batetik kea ateratzen ari da. Udaltzaingoak ez du informazio gehiagorik eman momentuz, baina suhiltzaileei lau kamioi bertaratu dira eta itxita daukate kale inguru hori. Anbulantzia ere bertaratu da. Informazio gehiago izatean zabalduko du HITZA-k. Ordu bietan izan da gertakaria eta suhiltzaileek HITZA-ri jakinarazi diotenez Zarautz eta Irungo lau kamioi bertaratu dira. Kea ikusi dute heldu bezain pronto baina ez zegoela argi nondik ateratzen zen azaldu dute, “horregatik atez ate joka joan behar izan dugu identifikatzeko sua non zegoen. Etxebizitza batzuetan ez zegoen inor eta sartu baina kea ateratzen zela ikusten zen eta sartu behar izan dugu”.
Maria Lezo kaleko 1 zenbakiko hirugarren pisutik atera da kea. Sukaldean sutea izan da, eta suhiltzaileak sartzerakoan pertsona bat aurkitu dute bertan, “surik ez zegoen jada iritsi garenean. Kea arnastuta zegoen, baina oxigenoa jarrita, berehala etorri da bere onera”
Argazkiak David Muñoz Mendekurenak dira.
