COVID-19 tasa beherantz Oiartzunen eta Lezon
Apal bada ere, Lezoko eta Oiartzungo tasek behera egin dute. Atzo, COVID-19agatik 31 kutsatu gehiago Oarsoaldean, gehienak Errenteria-Oreretan.
Apal bada ere, azken 14 egunetako 100.000 biztanleko COVID-19aren tasak behera egin du, igandetik atzora, Lezon (bigarren egunez jarraian) eta Oiartzunen. Mantso baina gorantz joan da, ordea, Errenteria-Oreretan eta Pasaian. Beheko koadroan ikus daitezke tasa horiek, herriz herri.
Edonola ere, koronabirusak infektatutakoen kopurua gora doa Oarsoaldean. Atzoko datuak: Errenteria-Oreretan hemeretzi kutsatu gehiago atzeman zituzten, bost Oiartzunen, lau Pasaian eta hiru Lezon.
Araba, Bizkai eta Gipuzkoan 11.886 test egin ziren atzo (10.921 PCR eta 965 antigenoenak). Horietatik 1.120k eman zuten positibo, %9,4.
Jarraian dagoen koadroan, azken hamalau egunetako 100.000 biztanleko atzoko tasak (parentesi artean, igandekoak).
- Lezo: 1,163,55 (igandean 1,245,49).
- Pasaia: 933,52 (igandean 915,56).
- Errenteria-Orereta: 772,28 (igandean 752,35).
- Oiartzun: 676,26 (igandean 685,92).
- Gipuzkoako batezbestekoa: 972,68 (igandean 946,74).
Osasun Sailak datu horiek eta beste asko eman ditu gaur, txosten bidez. Beheko estekan klik eginda lor daiteke.
