Ondarearen webgunearen aurkezpenarekin hasiko dira jardunaldiak
Orain dela bi urte eta erdi abiarazitako Ondarearen Mahaiak jardunaldiak antolatu ditu. Bederatzi ekitaldi antolatu dituzte.
Beloaga izango da larunbatean bisitatuko duten tokietako bat. Orain dela bi urte eta erdi sortu zen Oiartzungo Ondarearen Mahaia. Helburua herriko ondarea aintzatestea izan zen, eta Oiartzungo Herri Artxiboa sortzea. Ordutik hainbat aurrerapauso eman dituzte, eta horietako bat izan da Ondarearen Jardunaldiak antolatzea.
Bihar hasiko dira, Oiartzungo ondarearen webgunearen aurkezpenarekin (behean ikus daitezke egitarau osoa). Larunbatean Oiartzungo dorre eta gazteluak bisitatzeko ibilaldia egingo dute. Guztira bederatzi ekitaldi prestatu dituzte. Parte hartu nahi dutenek 943 49 45 21 telefono zenbakira deitu beharko dute, edo e-posta bidez idatzi.
Egitaraua
- Bihr: Oiartzungo ondarearen webgunearen aurkezpena udaletxeko areto nagusian, 19:00etan. Edukiera: 30 lagun.
- Etzi: Oiartzungo gotorlekuetatik jauregietara ibilaldia Doneztebe plazatik Gurutzera autobusez, 09:30ean. Edukiera: Sei laguneko taldeak osatuko dira.
- Azaroak 14: Elizaldeko kaskotik ibilaldia Doneztebe plazatik, 10:00etan. Edukiera: Sei laguneko taldeak osatuko dira.
- Azaroak 20: Zerbitzuko lanean. Lete kazetari, Lete prosagile Mugarri bildumako liburuaren aurkezpena udaletxeko areto nagusian, 18:30ean. Edukiera: 30 lagun.
- Azaroak 21: Ibilbide geologikoa Arditurrin. Uztapide plazatik (Ergoien), 10:30ean. Edukiera: Sei laguneko taldeak osatuko dira.
- Azaroak 22: Done Eztebe parrokiako tekladun soinu-tresnen berritze lanak, elizan bertan, 11:00etan. Edukiera: 60 lagun.
- Azaroak 27: Oiartzungo hotsak proiekzioa eta zuzeneko musika (koplak, tobera eta txistua) udaletxeko areto nagusian, 19:00etan. Edukiera: 30 lagun.
- Azaroak 28: Familia plana: Oiartzungo herri musikaren errepertorioa udaletxeko areto nagusian, 19:00etan. Edukiera: 30 lagun.
- Abenduak 2: Xabier Lete ttiki liburu aurkezpena Antton Kazabon egilearekin, udaletxeko areto nagusian, egunean zehar, herriko LH 2. mailako ikasleentzat.
