Sortuk mobilizazioa egingo du, 'Non dago diru publikoa?' lelopean
Larunbat arratsaldean elkartuko dira, plazan. Babesa, baliabideak eta Covid-19aren detekzio azkarra eskatu dute.
Sortuk mobilizazioa antolatu du datorren larunbaterako, Non dago diru publikoa? lelopean. Done Eztebe plazan elkartuko dira, 18:00etan. Covid-19aren aldeko segurtasun neurriak hartzeko eskatu dute.
Hiru eskakizun nagusi egingo ditu Sortuk. Lehena, Covid-19a detektatzeko gaitasuna handitzea. Bigarrena, zerbitzu publikoentzako baliabideak handitzea. Hirugarrena, sektore zaurgarrienei babesa handitzea.
EH Bilduk —Sortu koalizioko kide da— atzo salatu zuenez, Eusko Jaurlaritza ez da iaz baino gehiago gastatzen ari ez Hezkuntzan ez Osasungintzan.
