2021ean zerga guztiak eta tasa gehienak ez ditu igoko Lezoko Udalak
Koronabirusa lezoarren artean izaten ari den eragina baretzeko hartu du erabakia Lezoko Udalak. Tasetan bi salbuespen daude.
Lezoko Udalak erabaki du 2021erako udal zerga guztietan eta tasa gehienetan igoerarik ez aplikatzea. COVID-19a herritarrengan izaten ari den ondorioak lausotzeko erabakia da, udaletik argitu dutenez: “Herritarren gaineko presio fiskala ahal den neurrian baretu nahi dugu”.
Udalak adierazi du 2021 urtean ere ez dela erabateko normaltasunik izango koronabirusagatik. Hori horrela, zerga guztiak eta tasa gehienak izozteko hautua egin du.
Beraz, tasetan bi aldaketa izango dira soilik: liburu batzuen prezioen eguneraketa egingo du udalak, eta Ingurumen Sailari loturiko tasa batzuek berrikusiko ditu.
