Karmengo Ama ikastetxean teilatu berria eraiki du udalak
Urriaren amaieran izandako haizeteek teilatuaren zati bat eraman zuen. Kalteak konpondu eta estalki berria ipini du Pasaiako Udalak.
Teilatu berria eraikitzeko lanak bi fasetan gauzatu dira. 
Urriaren 20ko gauean haizeak Karmengo Ama eskolako estalkian eragindako kalteak konpondu ditu Pasaiako Udalak. Apurtutakoa kentzeko lanak urriaren 21ean hasi eta amaitu ziren, eta teilatu berria 25erako prest zegoen.
Premiazko kontratazio honen helburuak ziren, lehenik, haizeak altxatako materialak kentzea; eta, ondoren, estalki osoa ixtea. Obrak egiten ari ziren bitartean, beste sarrera batzuk egokitu ziren, ikasleak eskolara segurtasunez joan zitezen. Egindako konponketen kostu osoa 72.126,71 eurokoa izan da.
Erlazionatutako edukia[Galeria] Karmengo Ama ikastetxea, sabairik gabe eta urak hartuta
