Ahobizi eta Belarriprest txapak banatzen hasi dira
Oraindik ere zabalik da izena emateko epea. Euskaraldiaren web orrian egin daiteke, edo Lau Hazietara elkartearen egoitzan.
Hilaren 20tik abenduaren 4ra bitartean egingo dute Euskaraldia, eta horrekin bat egiteko izena eman dutenek, dagoeneko jaso ditzakete Ahobizi eta Belarriprest txapak. Aurten banaka, edo taldeka har daiteke parte, ahobizi eta belarriprestei, ariguneak gehitu dizkio dinamikak. Arnasguneak, euskaraz lasai aritzeko espazioak dira ariguneak.
Txapak jasotzeko Lau Haizetara Euskaltzaleen Topagunera jo behar dute (Pablo Iglesias hiribidea, 11) izena eman dutenek, astelehen eta astearteetan 10:00etatik 12:00etara eta 17:00etatik 19:00etara, eta asteazken, ostegun eta ostiraletan 17:00etatik 19:00etara.
Banderak ere salgai dituzte, bost euroa, gehiago, gehiagorekin eta gehiagotan egiteko konpromisoa erakusteko.
Halaber, dinamikaren arduradunek gogorarazi dute izena eman daitekeela oraindik Euskaraldiaren web orrian edo Lau Haizetararen egoitzan. Informazio gehiagorako Errenteriako Eskaraldiaren instagrama, edo Lau Haizetararen facebook eta twitter kontuak kontsultatu daitezke; bi telefono zenbaki ere jarri dituzte herritarren eskura: 688 765 398 edo 943 340 143.
