Asteburuan hartu ahal izango dituzte txapak ahobizi eta belarriprestek
Euskaraldian izena eman dutenek ostiraletik igandera hartu ahal izango dute euren txapa barruti bakoitzean jarriko diren mahaietan. Oraindik zabalik da izena emateko epea.
Euskaraldiaren kartela eta puntuak, Donibaneko udaletxe zaharrean. 
Euskaraldian izena eman duten ahobizi eta belarriprestek euren rola identifikatuko duen txapa hartu ahal izango dute asteburu honetan, Pasaian. Horretarako, herriko barruti guztietan jarriko dira mahaiak, honako ordutegi hauetan:
- Donibane. Hilak 13 (ostirala), 16:30etik 20:30era, Kulturgunean.
- Trintxerpe. Hilak 13 (ostirala), 17:ooetatik 20:30era, Gernika plazan.
- Antxo. Hilak 14 (larunbata), 11:00etatik 14:40era, Kultur Etxean.
- San Pedro. Hilak 15 (igandea), 10:30etik 14:00etara, Udal Aretoan.
Txapa jaso behar duenak ez du zertan bizileku duen barrutian egin beharko, lauetako edozeinetan har dezake.
Bestalde, aurten lehen aldiz koloretako puntuak dituzten kartelak ere banatuko dira, nahi duenak etxeko balkoi edo leihoan jar ditzan, euskara ulertu edo ez. Horien helburua Euskaraldirako herriko kaleak girotzea da, eta ez da izena eman beharko; dagoeneko eskuragai daude honako establezimendu hauetan:
- Donibane. Katxito eta Eva dendetan, eta Ubera herriko liburutegian.
- Trintxerpe. Santamaria arrandegian, Sonesa kirol-dendan, eta herriko liburutegian.
- Antxo. Urdin paper-dendan, Aintzane okindegian eta herriko liburutegian.
- San Pedro. Isasa paper-dendan eta herriko liburutegian.
Oraindik Euskaraldian izena eman ez duten horiek garaiz dabiltza oraindik. Aurrez aurre egin nahi duena herriko liburutegian inskriba daiteke, eta bestela Euskaraldiaren webgunean eman daiteke izena erosoki.
