COVID-19: Azken hiru egunetan beste 135 kutsatu Oarsoaldean
Azken hamalau egunetako 100.000 biztanleko tasan behera egin dute Lezok eta Oiartzunek. Pasaiak du oraintxe, Oarsoaldeko tasarik altuena.
![](https://oarsoaldea.hitza.eus/site/files/2020/03/covid-19.png)
Azken hiru egunetan, ostiraletik igandera, beste 135 COVID-19 kasu atzeman dituzte Oarsoaldean. Gaur zabaldu du Osasun Sailak hiru egun horiei dagokien txostena. Kutsatu gehienak, Errenteria-Oreretan zenbatu dituzte 71 guztira ostiraletik atzo gauerdira arte, 37 ostiralean, hemeretzi larunbatean; eta hamabost igandean. Pasaia da zerrendan bigarrena; udalerrian 42 positibo izan dira —hogei ostiralean, hamazazpi larunbatean, eta bost atzo—.
Oiartzunen eta Lezon kutsatu kopuru bera, 11na; Oiartzunen hiru ostiralean, zazpi larunbatean eta bakarra atzo; Lezon, bost ostiralean, bost larunbatean eta bakarra atzo. Azken hamalau egunetako 100.000 biztanleko tasan behera egin dute Lezok eta Oiartzunek, gainera; Lezo 1.000tik behera jaitsi da azken datuekin, berri ona beraz herritarrentzat, oraindik ere 1.000ko hori gertu badu ere. Pasaiak du COVID-19 tasarik altuena, 1.256,66; datua kezkagarria. Errenteria-Oreretan ere gora egin du.
Jarraian dagoen koadroan, azken hamalau egunetako 100.000 biztanleko atzoko tasak (parentesi artean, ostiralekoak).
- Pasaia: 1.256,66 (asteazkenean 1.148,94).
- Lezo: 950,51 (asteazkenean 1.098).
- Errenteria-Orereta: 864,45 (asteazkenean 832,07).
- Oiartzun: 685,92 (asteazkenean 801,85).
- Gipuzkoa: 1.073,90 (asteazkenean 1.047,83).
Osasun Sailaren txostena hemen kontsulta daiteke.