'Leiho guztiak, leiho bakarra' Kulturguneko pantailara
Haurrak eta aniztasuna ardatz hartuta, 11 minutuko film laburra sortu zuen Errenteriako Udalak konfinamendu betean.
Kulturartekotasunaren aldeko iazko martxa. Haurrak eta aniztasuna ardatz hartuta, 11 minutuko film laburra sortu zuen Errenteriako Udalak konfinamendu betean, Kultur Aniztasunaren Egunaren harira. Jatorri anitzeko herriko bost familiek hartu zuten parte filma egiteko garaian. Film hori Niessen Kulturguneko pantaila handira eramango dute ostegunean, eta ez du bakarrik egingo bidea Zazpi t´erdi ekoiztetxearen filmak, izan ere, Maide Oleaga zuzendariaren Ikusmugak, eta Ricardo del Conderen Hacia la niebla proiektatuko dituzte.
Madrilgo Mataderoko Koronabirus Film Jaialdi Experimentalerako hautatu dituzte hiru film horiek, eta asteazkenean jakinaraziko dute epaimahaiaren erabakia; Errenteriako proiekzioa, beraz, berezia izango da.
Errenteriako proiekzioan Oleagak, eta Zapzi t’ erdi ekoiztetxeko zuzendariak emanaldien osteko solasaldian hartuko dute arte. Sarrera doakoa izango da. Gonbidapenak Niessen Kulturguneko harreran eskura daitezke, edo bibe.me plataformaren bidez
