COVID-19: beste 43 kutsatu Oarsoaldean
COVID-19 tasa apaltzen hasi bazen ere Lezon eta Oiartzunen, ez du joera hori jarraitu azken orduetan. Kutsatu kopuruak gora egin du bi herri horietan, eta tasak ere gora egin du.
COVID-19 tasa apaltzen hasi bazen ere Lezon eta Oiartzunen, ez du joera hori jarraitu azken orduetan. Kutsatu kopuruak gora egin du bi herri horietan, eta tasak ere gora egin du. Herenegungo kutsatu kopuruarekin alderatuta gora egin du azken orduetan Errenteria-Oreretan ere, baina tasak behera egin du, oso apal izan bada ere. Une honetan udalerri bakarra dago 1.000tik gorako tasa duena, Pasaia.
Kutsatzeei dagokionean, Oarsoaldean azken orduetan beste 43 positibo zenbatu dituzte; gehienak, oraingoan ere, Errenteria-Oreretan. Azken horretan beste 25 lagun kutsatu dira. Oiartzunen zazpi positibo atzeman dituzte, sei Lezon eta bost Pasaian.
14.039 test egin dituzte guztira azken orduetan Araba, Bizkai eta Gipuzkoan, eta horietatik 1.310 %9,3 izan dira positiboak. Positibo horien kopururik handiena, 40-60 urte arteko herritarren artean hauteman dituzte azken orduetan, 529, zehazki.
Jarraian, azken hamalau egunetako 100.000 biztanleko atzoko tasak (parentesi artean, igandekoak).
- Pasaia:1.262,64 (igandean 1.256,66).
- Lezo: 983,28 (igandean 950,51).
- Errenteria-Orereta: 844,52 (igandean 864,45).
- Oiartzun: 714,91 (igandean 685,92).
- Gipuzkoa: 1.093,28 (igandean 1.073,90 ).
Osasun Sailaren txostena hemen kontsulta daiteke.