Hezkuntza eta kultura elkarteak diruz lagunduko ditu Pasaiako Udalak
Eskaerak 30 egunez aurkeztu ahalko dira. Onuradunak Pasaian egoitza duten hezkuntza erakundeak eta irabazi asmorik gabeko kultur elkarteak izango dira.
![](https://oarsoaldea.hitza.eus/site/files/2020/11/dinero-cultura.jpg)
Hezkuntza eta kultura sustatzeko diru laguntzak emango ditu Pasaiako Udalak. Eskaerak aurkezteko epea 30 egunez luzatuko da, deialdia argitaratu eta hurrengo egunetik hasita (gaurtik aurrera).
Oinarri hauen xedea jarraian zehazten diren diru-laguntzak eskuratzeko eta emateko baldintzak arautzea da:
- Hezkuntza: 2019/2020 ikasturtean zehar, Pasaian ikasten duten ikasleei zuzendutako jarduerak eta programak. Ingurune akademikotik kanpo gelditzen direnak.
- Kultura: 2020 urtean zehar Pasaian garatutako kultur programak.
Eskaerak HAZko edozein bulegotan aurkez daitezke, baita udalaren webgunean, online, edota ohiko postaz (Donibane kalea 19, 20110 Pasaia). Diru laguntzak arautzen dituzten oinarriak eta eskaera egiteko udalaren webgunean nahiz HAZ bulegoetan egongo dira eskuragarri.
Onuradunak
Diru laguntza eska dezakete egoitza Pasaian duten hezkuntza erakundeek eta egoitza nahiz jarduteko esparrua Pasaian dituzten irabazi asmorik gabeko kultur elkarteek. Horretarako, Pasaiako Udaleko Elkarteen Udal Erregistroan izena emanda egon beharko dute (elkarteen kasuan).
Halaber, ez badute egoitza soziala udalerri honetan, Eusko Jaurlaritzako Erregistroan edo beste erregistro publikoren batean ez dute izena emanda izango.