Nabarmen egin du behera kutsatuen kopuruak Oarsoaldean
Oarsoaldean herenegun izandako positiboen kopuruarekin alderatuta, erdira jaitsi dira kutsatuak azken orduetan.
Jendea kalean Donibanen. Behera egin dute COVID-19arekin kutsatutakoek azken orduetan. Oarsaldean herenegun izandako positiboen kopurua erdira jaitsi da azken orduetan. Guztira 39 positibo zenbatu zituzten atzo gauerdira arte. Errenteria-Oreretan hauteman dituzte kasu genien, 23: Pasaian, berriz, zortzi positibo izan dira azken orduetan; eta Lezo eta Oiartzunen, launa.
100.000 biztanleko 14 eguneko tasak behera egin du udalerri guztietan, Lezon izan ezik; azken horretan atzoko kopuru berean mantendu da azken datuak aintzat hartuta.
Osasun Sailak txostenean bildu duenaren arabera, koronabirusa atzemateko 17.061 test egin zituzten atzo, eta 1.420 izan dira positiboak, %8,3.
Oarsoaldeko herrien tasak, honakoak:
- Pasaia: 1.196,82 (asteazkenean 1.256,66).
- Lezo: 999,67 (asteazkenean 999,67 ).
- Errenteria-Orereta: 926,73 (asteazkenean 941,68).
- Oiartzun: 763,21 (asteazkenean 782,53 ).
- Gipuzkoa: 1.113,36 (asteazkenean 1.106,53).
Osasun Sailaren gaurko txostena (atzoko datuei dagokiona) hemen irakur daiteke.
