San Pedro protagonista, igandean, 'Herri txiki, infernu handi' saioan
Pasai San Pedro izango da ETB1eko telesaioaren ardatz igande honetan. Mikel Pagadik eta Zuhaitz Gurrutxagak barrutiaren bitxikeriak aztertuko dituzte.
![](https://oarsoaldea.hitza.eus/site/files/2020/11/dsc0931.jpg)
Mikel Pagadik eta Zuhaitz Gurrutxagak gidatutako ‘Herri txiki, infernu handi’ saioa Pasai San Pedron izan da, eta grabatutakoak igande honetan igorriko dituzte, 22:00etan, ETB1en.
Pasaiako lau barrutien arteko tirabira eta bitxikeriak desestaliko dituzte asteburu honetan, hainbat sanpedrotarren ahotik. Arrauna, garagardoa, euskal musika, herriko establezimenduak, futbola eta, batez ere, umore asko izango ditu igandeko saioak.