COVID-19agatik kutsaturik ez atzo Lezon eta Oiartzunen
Pasaian sei koronabirus kasu gehiago zenbatu zituzten atzo, eta Errenteria-Oreretako infektatuak 30 izan ziren. Oiartzungo eta Lezoko tasak, beherantz nabarmen.
Albiste baikorrak Lezotik eta Oiartzundik: COVID-19agatik ez zen kutsatu gehiagorik izan atzo bi herri horietan. Pasaian, berriz, sei kasu gehiago atzeman zituzten, eta 30 Errenteria-Oreretan.
Atzo Araban, Bizkaian eta Gipuzkoan 7.650 PCR test eta antigenoen beste 2.981 egin zituzten (10.631 denera). Horien %8,9k eman zuen positibo.
Datu horien ondorioz, nabarmen egin du behera azken hamalau egunetako 100.000 biztanleko tasak Lezon zein Oiartzunen. Pasaian pixka bat igo da, eta Errenteriako hazkundea nabarmenagoa izan da. Beheko koadroan herriz herrikako tasak:
- Pasaia: 1.083 (igandean 1071,15)
- Errenteria-Orereta: 946,66 (igandean 919,26).
- Lezo: 884,96 (igandean 934,12).
- Oiartzun: 637,62 (igandean 685,92).
- Gipuzkoa: 1.064,56 (igandean 1.075,58).
Osasun Sailak datu horiek eta beste asko gaur zabaldutako txostenean eman ditu. Hori osotasunean eskuratzeko klik egin beheko estekan.
