Txerri Eguna bertan behera utzi du Ttur-tturrek
Artisau azoka ere ez da egingo, baina Facebook orrialde bat irekiko du euskaltzaleen bilguneak, artisauei laguntze aldera.
Artisauen azoka da Txerri Eguneko ardatzetako bat.
Ttur-ttur Euskaltzaleon Bilguneak jakinarazi duenez, Txerri Eguna bertan behera geratuko da. Ondorioz, artisauen azokarik ez da egingo.
Artisauei bultzadatxo bat emate aldera, “Txerri Egun birtuala” antzeko bat egin nahi dute. Facebooken orrialde bat irekiko dute, bertako produktuak kontsumitzen laguntzeko. Orrialde horretan artisauek aukera izango dute beren produktuak erakusteko.
Ttur-tturrek esan duenez, Facebook orrialdea oraindik ez dago ikusgarri. Badira artisauak interesatu direnak, eta beste norbaitek Facebook orrialdean bere produktuak erakutsi nahiko balitu, e-posta bidez jarri beharko litzateke harremanetan.
Mezu horretan, produktuen argazkiak, deskribapen txiki bat eta harremanetarako kontaktua jarri beharko du.
Ttur-tturrek espero du egoera ahal bezain pronto bueltatzea normaltasunera, eta datorren urtean berriro ohiko Txerri Eguna antolatu ahal izatea.
