2021eko udal zerga ordenantza behin betiko onartuko dute etzi
Azaroko ohiko plenoa egingo dute asteazken arratsean. Mendebaldeko Sahararen aldeko mozio bat ere aztertuko dute.
Etzi arratsaldean —hilak 25— egingo dute azaroari dagokion ohiko plenoa. 19:00etan hasiko da, eta udaletxeko pleno aretoan izango da.
Mozio bat eramango du EH Bilduk. Zehazki, Euskal Fondoak Mendebaldeko Saharan su-etena hautsi izana aztertuko duena.
Horrez gain, 2021eko udal zerga ordenantza behin betiko onartzea aztertuko dute. Iraileko plenoan proposatu zutenez, udal zerga eta tasak ez dira igoko —salbuespen bakarrarekin— datorren urtean.
Gainera, 2021ean Oiartzunen aurreikusitako kultur ekitaldiak antolatzeko diru laguntzen oinarriak onartuko dituzte.
Mendiburu 14 eraikinaren lanen berri emango dute. Hilaren 12tik lanean ari direla jakinaraziko dute.
Azaroko udalbatzarraren gai zerrenda —guztira hamahiru puntu izango dira— osoa ikusteko, egin klik esteka honetan.
