Soriako espetxean da Mikel Arrieta euskal presoa
Pasa den urriaren hasieran jakinarazi zuten Espainiako Espetxe Erakundeek, Mikel Arrieta preso oreretarra Soriako espetxera lekualdatuko zutela. Atzo heldu zen euskal presoa espetxe horretara.
Mikel Arrieta etxeratzea eskatzeko bideoa egiten ari da Sare. Pasa den urriaren hasieran jakinarazi zuten Espainiako Espetxe Erakundeek, Mikel Arrieta preso oreretarra Soriako espetxera lekualdatuko zutela. Atzo heldu zen euskal presoa espetxe horretara.
Algecirasko (Andaluzia, Espainia) kartzelan aurkitzen zen Arrieta, etxetik 1.100 kilometrora eta larri gaixo diren euskal presoen kolektiboko kideetako bat da. Arrietak, Espondilartropatia kroniko seronegatiboa HLA B 27 du, gaixotasun kroniko, degeneratibo eta sendaezina. Gorputz adarretan eragiten dio gaitzak, eta oso mingarria izateaz gainera, oldarkorra dela nabarmendu dute.
Orereta-Errenteriako Sarek, positibotza jo zuen hurbilketa hilabete hasieran egindako balorazioan, eta etxeratze bidean urrats bat izan dela nabarmendu zuen.
