'Euskara Kirola' egitasmoa abiatu dute Pasaia-Lezo Lizeoan
Eskola Kirola bertan behera gelditu izanaren aurrean, iniziatiba berria jarri dute martxan. LH3 - LH6 maila bitarteko ikasleek hartuko dute parte.
LH 3 eta LH 6 bitarteko ikasleek hartuko dute parte. 
Aste honetan ‘Euskara Kirola’ egitasmoa abiatu dute Pasaia-Lezo Lizeoan, LH 3 eta LH 6 bitarteko ikasleekin. Iniziatibak hilabete iraungo du, abenduaren 18ra bitarte.
Egungo Eskola Kirolako programan aritu ezinak beste aukera batzuetarako bidea eman du, ikasleak jarduera fisikoarekin eta euskararekin elkartuz.
Jangelan bazkaltzen duten umeek eguerdiko tarte horretan gelaz gela lau erronka ezberdini erantzungo diote, eta horietan parte hartuz, lau bateria kargatu beharko dituzte: euskararena, trebeziarena, laguntasunarena eta parte hartzearena.
